विद्यालयमा बालबालिकाको पोषण लेखाजोखा कार्यक्रम सम्पन्न

बैशाख २५ गते, शुक्रबार

आज बैशाख २५ गते शुक्रबारका दिन विद्यालयमा ६ महिनादेखि ५९ महिनासम्मका बालबालिकाहरूलाई लक्षित गरी पोषण लेखाजोखा कार्यक्रम सफलतापूर्वक सम्पन्न गरिएको छ।

कार्यक्रमअन्तर्गत बालबालिकाको पोषण अवस्थाको मूल्याङ्कन, तौल तथा उचाइ मापन लगायतका गतिविधि सञ्चालन गरिएको थियो। यस कार्यक्रमले बालबालिकाको पोषण स्थिति पहिचान गरी आवश्यक परामर्श तथा सचेतना प्रदान गर्न महत्वपूर्ण सहयोग पुर्‍याएको छ।

विद्यालय नर्स अस्मिता अधिकारीको सक्रिय पहल र समन्वयमा सम्पन्न कार्यक्रमबाट बालबालिकाको समुचित वृद्धि तथा विकासका लागि पोषणको महत्वबारे अभिभावक तथा सरोकारवालाहरूलाई समेत जानकारी प्रदान गरिएको थियो।

विद्यालय प्रशासनले बालबालिकाको स्वास्थ्य, पोषण तथा समग्र विकासलाई प्राथमिकतामा राख्दै यस्ता कार्यक्रमहरूलाई निरन्तरता दिने प्रतिबद्धता व्यक्त गरेको छ। कार्यक्रम निर्धारित उद्देश्यअनुसार सफलतापूर्वक सम्पन्न भएको विद्यालयले जनाएको छ।