राष्ट्रिय कलाकारहरूको प्रस्तुतिमा जङ्कफुड न्यूनीकरण सम्बन्धी सचेतनामूलक सडक नाटक सम्पन्न
जेठ ५, २०८३
आज विद्यालय परिसरमा राष्ट्रिय कलाकारहरूको आकर्षक प्रस्तुतिमा जङ्कफुड न्यूनीकरण तथा स्वस्थ खानपान प्रवर्द्धन सम्बन्धी सचेतनामूलक सडक नाटक प्रदर्शन गरिएको छ।
कार्यक्रममा कलाकारहरूले जङ्कफुडको अत्यधिक प्रयोगले बालबालिका तथा किशोरकिशोरीहरूको स्वास्थ्यमा पर्ने नकारात्मक असरहरूलाई नाटकमार्फत प्रभावकारी रूपमा प्रस्तुत गरेका थिए। साथै, स्वस्थ, पोषणयुक्त तथा स्थानीय खाद्य पदार्थहरूको सेवन गर्नुपर्ने सन्देश समेत प्रवाह गरिएको थियो।
नाटकमा जङ्कफुडका कारण उत्पन्न हुन सक्ने विभिन्न स्वास्थ्य समस्याहरू, त्यसबाट बच्ने उपायहरू तथा स्वस्थ जीवनशैली अपनाउनुपर्ने विषयलाई रोचक र सन्देशमूलक ढङ्गले प्रस्तुत गरिएको थियो। कार्यक्रममा सहभागी विद्यार्थीहरूले नाटकबाट महत्वपूर्ण जानकारी प्राप्त भएको बताउँदै स्वस्थ खानपानको बानी विकास गर्ने प्रतिबद्धता व्यक्त गरेका थिए।
विद्यालय प्रशासनले यस्ता सचेतनामूलक कार्यक्रमहरूले विद्यार्थीहरूमा सकारात्मक व्यवहार विकास गर्न सहयोग पुग्ने विश्वास व्यक्त गरेको छ। कार्यक्रमले जङ्कफुडको प्रयोग न्यूनीकरण गरी स्वस्थ र सन्तुलित आहारप्रति विद्यार्थीहरूलाई सचेत बनाउन महत्वपूर्ण भूमिका खेलेको आयोजकले जनाएको छ।
विद्यालयका शिक्षक, कर्मचारी तथा विद्यार्थीहरूको उल्लेखनीय सहभागितामा कार्यक्रम सफलतापूर्वक सम्पन्न भएको थियो।