श्री नारायणी माध्यमिक विद्यालय स्काउट ट्रुपको प्रारम्भिक प्रशिक्षण कार्यक्रम सम्पन्न
असोज २३। श्री नारायणी माध्यमिक विद्यालयमा नवगठित ‘श्री नारायणी माध्यमिक विद्यालय स्काउट ट्रुप’ को प्रारम्भिक प्रशिक्षण कार्यक्रम सञ्चालन गरिएको छ।
विद्यार्थीहरूमा अनुशासन, नेतृत्व क्षमता, आत्मविश्वास, सेवाभाव तथा सामूहिक कार्यको भावना विकास गर्ने उद्देश्यले स्काउट ट्रुपको प्रारम्भिक प्रशिक्षण कार्यक्रम आयोजना गरिएको हो।
स्काउट कार्यक्रमले विद्यार्थीहरूलाई जिम्मेवार, अनुशासित र समाजप्रति उत्तरदायी नागरिकका रूपमा विकास गर्न सहयोग पुर्याउने अपेक्षा गरिएको छ। यस कार्यक्रमले विद्यार्थीहरूमा नयाँ सीप सिक्ने, सहकार्य गर्ने तथा सामाजिक सेवामा सक्रिय हुने प्रेरणा प्रदान गर्ने विश्वास लिइएको छ।
प्रस्तुत तस्बिरहरूमा नवगठित स्काउट ट्रुपको प्रारम्भिक प्रशिक्षण कार्यक्रमका विभिन्न गतिविधिहरू समेटिएका छन्।